Tag: pinoy big brother

Yhel to face forced eviction

Voting has officially closed for the second eviction night. The nominated housemates (except for Yhel) can now breathe since they will be staying longer inside the Pino Big Brother House. Thanks to Yhel’s violation she will be the next housemate to leave the PBB House.

Kasi naman, itong si Yhel nag-suggest ba naman na iboto nilang lahat itong si Hermes para magka-chance pa na magmeet ulit sila ni Carol. Si Carol kasi lumipat na sa kabilang house. So ayun, after a string of earlier viplations, Big Brother has had enough of Yhel. As a consequence of this last violation, she will face forced eviction. I think wala namang nagbago dahil sa kaganapang iyon. Feeling ko kasi, siya rin naman ang matatanggal if ever natuloy ang second eviction night.

I may not like Yhel but I wish her well and I wish her good luck in her life outside Pinoy Big Brother Double Up.

Pictures of PBB Double Up’s Princess

I saw a link in PBB Double Up’s site in Multiply pointing to the Friendster pictures of Pinoy Big Brother Double Up’s Housemate named Princess.

If you haven’t seen it yet. Here are a few of the pics I saved from there.

Sayang talaga, mas gusto ko pa rin siya kaysa sa karamihan ng girl housemates ng House B. Please feel free to comment.

Mga housemates nagpalitan ng bahay

Kagabi sa Pinoy Big Brother Double Up…

Isa na namang twist ang ginawa ni Kuya. Pinagpalit ng bahay ang mga housemates. Ang mga housemates ng house A titira muna sa House B. At ang mga housemates naman ng house B titira sa House A. At para mas maging magulo ng kaunti, toiletries at underwear lang ang puwede dalin ng housemates sa kabilang bahay.

So ayun, the housemates will have to use other people’s clothes. Si Mariel nga ginamit ang damit ni Jason. Hindi tuloy siya masyado halata. Hehe. Kawawa naman itong si Melay pag nagkataon.

Si Carol naman ginamit ang damit ni Cathy. Inasar tuloy siya na she want to be Cathy para magustuhan din siya ni Hermes. Hehe.

Natawa pala ako sa reaction ng House B sa dumi ng bahay ng House A. Hehe. Sa bagay, mas marami kasing lalake sa house A. At mas maraming babae sa House B. So naturally, ganun naman talaga ang mangyayari. Yung mga girls nga ng house B pinuna rin na mgulo ang gamit ng mga boys ng House A e. Kitang kita naman ang difference sa reaction ng magkabilang bahay. Yung mga taga House A sinabi nila na malinis sa House B. Natuwa ang mga taga house A dahil mas cozy ang house B. Mas normal na bahay kasi ang ayos ng house B unlike sa House A na medyo modern at kakaiba.

Isa pa palang naganap kagabi ang pag-announce ni Kuya of the upcoming Big Brother Swap. At first nalito ang iba dahil hindi pa lahat ng detalye sinabi ni Kuya. Pero in the end nalinawan naman sila. Part nga ng weekly task nila yun e. I think they have to do a cross stitch piece. Tapos yung Big Brother from the other country ang pipili ng mas maganda. If yung piece nila ang mapili, they win the task at sa kanila din magmumula yung ipapadala para sa Big Brother Swap. I’m not really sure if tama yung intindi ko pero parang ganun. Feel free to correct me.

Second set of nominees

After mapaalis itong si Jimson, sino naman kaya ang susunod? Naging malapit ang mga puntos ng magkabilang bahay sa naganap a Second nomination night. In the end, ang mga nominado ay sina Delio at Tibo ng House A. At sina Yel, Mariel, at Carol ng House B. Sino sa palagay ko ang susunod na maalis? Mahirap hulaan pero feeling ko it’s someone from House B ulit. Hehe. Mas gusto ng mga tao ang House A e. Sa mga nominees sa House B, feeling ko si Yel or Mariel ang maalis. They have something kasi na hindi likable sa kanila. I’m not really sure what it is pero ayun basta. Hehe. Kayo? Sino sa palagay niyo?

Ang Secret Tasks ni Rob, Rica, Patrick at Kath

Kamustahin naman natin ang task na ibinigay ni Big Brother sa ibang bagong pasok na housemates.

Sila Rob ng Austria at Rica (na Richard pala in her past life :p) ng Iloilo ay nagpapanggap na “sila”. Aba, dahil na rin siguro sa magandang planning ng dalawa at sa game at professional attitude ay unti-unti nang naniniwala ang ibang housemates na meron ngang namamagitan sa dalawa. Mahuli ba naman sila palaging tila sweet na nag-uusap (di nila alam na nagco-connive lang ang dalawa). May kiss at mga yakap pa. Hindi lang yan, naligo pa sila nang sabay! Safe na kaya sila hanggang sa dulo ng linggo? Kailangan pa ba nila dagdagan ang strategy nila?

Samantala, kamustahin naman natin ang “mag-asawang” si Patrick at Kath. Sige lang din sa acting, at hindi pa naman sila nabubuking. Kilig na kilig pa nga ang ibang girls sa “love story” nila kuno. Yun nga lang si Jimson (ang tunay na asawa ni Kath) mukhang lalong hindi mapakali at tumitindi pa ang pagseselos sa “pseudo-husband” ng kanyang misis. Naku, pati singsing nya ay ipinahiram na ni Big Brother kay Patrick para mas convincing.

Sa loob ng confession room ay napa-confess itong si Jimson na nagseselos sya. Naikwento nya rin ang minsang panloloko nya sa misis na si Kath na noon ay buntis sa kanilang anak sa Spain. Si Kath din ay nahihirapan din, pero pinipilit na kayanin ang task para sa lahat ng kasamang housemates. Naisip nya, siguro matuto na rin si Jimson sa experience na yun kung gaano kasakit ang maloko. Naka-relate naman si Patrick na minsan na rin palang nagtaksil sa asawa. Naku naman, bakit ganon? Wag ganon, masama yun guys. Well, sana nga ay may matutunan silang tatlo sa task na ito.

Shifting Schedule sa Bahay ni Kuya

Kanina ay in-announce ni Kuya ang shifting schedules sa PBB house. O diba parang call-center lang? Ginawa nya ito para isipin ng mga housemates na iyon ang kanilang weekly task. Walang malay ang ibang housemates na ang kanilang weekly budget ay nakasalalay sa performances ng kanilang mga kasamahang sila Rob at Rica, na nagpapanggap na magkasintahan sa House A; at sila Patrick at Kath na napapanggap na mag-asawa (plus si Jimson na nagtitiis sa selos) sa House B.

Ang mga housemates sa House A ay naka-day shift muna, habang ang mga housemates sa House B ay night-shift muna.

Ang Birthday Kiss ng Boy Astig na si Jason

Ang sarap naman talaga mag-birthday sa loob ng Pinoy Big Brother house. Bukang-bibig ni Jason mula pa nang magsimula ang PBB na crush na crush nya ang dalagang artista na si Maja Salvador. Kaya naman sa kanyang birthday, morning greeting pa lang ang inulan na siya ng paulit-ulit na boses ni Maja na bumabati sa kanyang kaarawan.

“hello Jason, happy happy birthday sa’yo”

Sa sobrang paulit-ulit ng morning greeting nila ay lalo pa tuloy itong pinaulit-ulit ni Kenkay Melay sa kanya. Kulit!

Nang ipatawag ni Kuya si Jason sa confession room, ay bumungad sa kanila ang standee ng ini-idolong aktress. Hindi nya alam na habang inilalabas nya ang loob nya kung gaano nya kagusto si Maja, ay nakikinig pala ang dalaga sa kabilang kwarto.

“gustong-gusto kita, crush kita, lahat ng pelikula mo, commercial mo, sayaw mo. Paglabas ko ng bahay liligawan kita…”

Sabay kabig na joke lang daw.

Maya-maya pa ay pinapasok na ni Kuya si Maja sa confession room. Halatang nagulat si Jason pero kasual lang naman na inaya papasok si Maja at nakipagusap kahit na kitang-kita na nahihiyang kinikilig ang binata. Sabi pa nya kay Kuya ay kung pwedeng titigan na lang ang crush. 🙂

Nakakatuwa nga panoorin si Jason e, kasi kilig na kilig sya. Nang tanungin ni Maja kung anong gusto nyang birthday gift, nanghingi ng kiss si Jason (sabay sabi sa sarili na “kapal ui”). Habang nakapikit ay binigyan sya ni Maja ng kiss sa lips…joke lang. :p Hindi labi kundi mga daliri ni Maja ang humalik sa labi ni Jason, bineso na lang sya kapalit ng kiss. Pero ok lang kasi pinayagan naman siya ni Maja na humalik sa cheeks. 🙂

Maya-maya pa ay natapos na ang limang minuto na ibinigay ni Kuya para sa pagdalaw ni Maja. Habang nagpapaalam na sila sa isa’t-isa, ay nagbilin si Jason kay Maja na wag syang masyadong magpapahalik sa mga leading man nya.

Ayun, pagbalik ni Jason sa loob ng bahay ay masayang-masaya syang nagkwento sa mga kasama. Inamoy-amoy pa ang kamay nyang amoy pabango ni Maja. Inilusot pa nila sa plastic para daw wag maubos ang amoy.

At para lalo pang maalala ang crush, pinagsaluhan nila para sa kanyang birthday ang Maja Blanca na gawa ng kasamang housemates.

Happy Birthday Jason! You’re one lucky man! 🙂

Mga Pasaway na Housemates, Naparusahan

Dahil na rin siguro sa naninibago pa sa loob ng bahay ni Kuya, sunod-sunod ang paglabag ng ilang mga housemates sa mga patakaran sa loob ng PBB house. Dahil dito ay naparusahan sila ni Kuya.

Ang mga housemates na nakakalimot na mag-on ng lapel mic ay pinagsuot ng headset. Ang mga housemates namang sila Princess, Delio, Tom at Jason ay pinagsuot ng boots sa kamay dahil sa kumuha sila ng bigas sa storage room nang hindi sinasabi ni Kuya. At si Delio naman, pinagsuot ng kwintas ng bayabas dahil sa naligo sya sa hindi takdang shower time. Napagsabihan din sina Tom at Princess na gumamit ng Tagalog o Ingles kapag nag-uusap. Bisaya kasi madalas mag-usap ang dalawa.

Mabilis naman na tinanggal ni Kuya ang mga parusa. Pero dapat mag-ingat ang housemates dahil may katumbas na parusa ang lahat ng paglabag sa batas ng Pinoy Big Brother house.

Ang Surprise ni Jason from Kuya

Uy ang astiging si Jason may surprise kay Kuya for his birthday. Teaser kanina sa PBB ang kanyang surprise visit mula sa crush na si Maja Salvador. Obvious na kinikilig at masayang-masaya itong si Jason pagkakita sa magandang dalagita na si Maja. At ang wish nya daw para sa birthday nya? Kiss mula sa dalaga. Abangan natin bukas kung natupad ang brthday wish nya na ito. 🙂

Bagong Hamon ni Kuya, may Romatic Flavor

Sa pagpasok ng pangalawang grupo ng housemates ni Kuya ay binigyan nya ng hamon ang apat sa mga ito.

Sa isang bahay, ay magpapanggap na mag-kasintahan sina Rob (Ladies’ Man ng Austria) at Rica (Math Goddess ng Bacolod). Todo kung magplano ang dalawa, pati terms of endearment napag-usapan na. Kanina sa garden habang nag-uusap tungkol sa gamplan nila ay inamin ni Rica kay Rob na sya ay isang transexual. Game namang tinanggap ito ni Rob. So ano kaya naramdaman nya sa suggestion ni Rica na magsama sila sa loob ng shower (kahit na hindi sila sabay maliligo) para lang ma-convince ang housemates na silang-sila talaga? Pero mukhang safe pa sila ngayon dahil nakita sila ni Melay na magkayakap kay naman ay nag-conclude ang Inday Kenkay na baka may relasyon sila.

On the other hand, ang banker from Baguio na si Patrick at ang La Senora ng Spain na si Kath, ay kinakailangan namang magpanggap na mag-asawa. Ok lang sana kung game ka, kaya lang kasama nila sa bahay ang tunay na asawa ni Kath na si Jimson, na obvious namang hindi mapakali sa hamong ibinigay ni Kuya. Si Patrick naman ay may-asawa rin na naiwan sa labas ng bahay ni Kuya. Sana ay maintindihan nya na task lang ang ito.

Kanya-kanyang challenge ang mga housemates. Pero buti naman at hindi na forced eviction ang parusa. Kung may mabuking, walang budget ang bahay na kinabibilangan ng mga “fail” na housemates. Pero kung magtagumpay naman ay 100% na ibibigay ang allowance ng bahay ng successful housemates.

Pero teka-teka…ang mga girl housemates na unang nagbuking sa double-up housemates, nag-uusi na naman. Ayan na’t pinag-uusapan na nila na baka pakulo na naman lahat ni kuya ang pagiging mag-asawa nila Patrick at Kath. Sabay tawa pa sila na “mamaya tayo na naman ang dahilan kung bakit ma-force evict sila.” Well, abangan na lang natin kung paano papanalunin ng ating couple housemates ang kanilang tasks.