Month: March 2008

Teen Edition Plus Revealed: Guardians Inside the PBB House

Noong Sabado ay ni-reveal na ang PLUS sa PBB Teen Edition season 2 ng naturang show. Ang PLUS pala sa Teen Edition Plus ay ang pagpasok ng mga magulang o guardians ng mga napiling teen housemates.

Dahil 14 ang teen housemates, 14 din ang mga guardians na pumasok. Dose sa mga ito ay mga magulang ng teen housemates, ang isa ay kamag-anak at ang isa naman ay tinuturing ng kapamilya. Ang mga pumasok na mga guardians ay sina :
* Boy (Robi’s father)
* Anna (Josef’s aunt)
* Ningning (Linda’s mother)
* Gerry (Jieriel’s stepfather)
* Carina (Beauty’s mother)
* Rose (Rona’s mother)
* Sandy (Nicole’s mother)
* Ike (Jolas’s father)
* My Love (Nan’s mother)
* Erning (Ejay’s father)
* Violy (a friend of Valerie’s mother whom Valerie calls her “second mother”)
* Jinky (Priscilla’s mother)
* Minda (Alex’s mother)
* John (Kevin’s father)

Ano naman ang papel ng Guardians sa loob ng bahay ni Kuya? Makakatulong ang pagpasok ng mga Guardians para mas lalong makilala ng mga tao ang mga teen housemates. Nandoon sila para bantayan ang kanilang mga anak, malamang. Ang mga Guardians ay mananatili lamang pansamantala sa loob ng bahay ni Kuya. Posible sigurong umalis na sila agad doon bago hirangin ang Big Four. Kung sakaling sa kanilang pagtira sa PBB house ay naisip ng kanilang anak na magvoluntary exit o ang kanilang anak ay ma-forced evict, aalis na rin ang Guardian ng Housemate. Kung ang mismong Guardian naman ang nagvoluntary exit o na forced evict, damay ang kanilang anak.

Ano kaya ang mangyayari sa loob ng bahay ni Kuya ngayong andon na mga Guardians? Mag-away din kaya ang mga Guardians kung mag-away ang kanilang mga anak. Sino kaya ang unang Guardian at Teen Housemate na maeevict? Abangan.

Alex, “magpapabinyag” sa bahay ni Kuya?

Nitong nakaraang linggo ay nalaman nga natin na ang isa sa mga PBB Teen Edition Plus housemates ay hindi pa “binyagan”, ang Italian Valentino ng Milan na si Alex Anselmuccio. Dahil sa pagkakalaki ni Alex sa Italy, hindi pa siya nakakapagpa-circumsised dahil hindi daw ito uso sa kanila. Nang malaman ni Kuya ang balitang ito, tinanong niya si Alex kung gusto ba nitong magpatuli. Binigyan niya ng pagkakataon si Alex upang pagisipan ang naturang bagay dahil hindi nga naman madali ang pagpapatuli. Nagkaroon pa ng diskusyon ang mga boys ukol dito para maliwanagan si Alex at para malaman niya kung ano ang pwedeng mangyari sa kanya kapag kanya itong ginawa.

Pagkatapos ng mahabang pag-iisip ay nakapagdesisyon na si Alex na magpatuli. Pinakausap pa si Alex sa isang doktor upang kanyang malaman na walang medical reason ang isang pagpapatuli. Kahit narinig at nalaman niya ang rason na ito ay desidido pa rin si Alex na gawin ito. Sabi niya, parte ito ng kanyang pagiging Pilipino. Noong 18 years old daw ang kanyang mga nakakatandang kapatid na lalaki ay nagpunta sila dito sa Pilipinas upang magpatuli. Ngayong 18 na rin siya, tingin niya ay ito na ang tamang panahon para magpatuli.

Dahil sa pangyayaring ito sa loob ng bahay ni Kuya, magkakaroon ng libreng circumcision sa bahay ni Kuya sa Miyerkules – April 2. Iniimbitahan ang mga lalaking mula 12 -18 years old. Ang mapapaunlakan lamang ay ang mga napiling unang 100. 100 nga ba?

Tuluyan na kayang “mabibinyagan” ang Italian Valentino sa loob ng bahay ni Kuya? History in the making!

Atenean teen housemate Robi mabenta sa girl housemates

Pinakita kagabi ang usapan ng mga girl housemates sa living room. Nakakatawa talaga ang mga tpoics pag teens ang nag-uusap. I mean parang hindi mawawala ang topic na crush. Haha. Parang nagsimula kasi yung isa sa mga girls discussing na most of them don’t have boyfriends. Parang si Jieriel lang yata yung merong BF at the moment. Since ito yung usapan, naisip nila kung sino naman sa mga boys ang may girlfirends. Tinatanong ni Beuaty sa mga girls if they think may gf si Robi. Ayun, inasar tuloy siya na may crush kay Robi. Haha. Pero umamin naman itong si Beauty in a way. Hindi naman daw crush, she just finds him cute. Hmm… Nag-agree naman ang mga girls that they also find Robi cute. Ang swerte naman nitong si Robi, sabi nga nila Ejay at Nan the other night na walang patapon sa mga girl na kasama nila, lahat daw ay pwede. Hmm… I guess halos pare-pareho ng taste ang mga girl housemates. Type nila ang chinito. So Robi, kung nalaman mo ba ang info na ito, may ipu-pursue ka ba sa mga fellow housemates mo? This early may naisip na ba kayong loveteams inside the Pinoy Big Brother House? I guess after this stint sa PBB house hindi na matatakot mabasted itong si Robi.

My take on Valerie, Priscilla, and Beauty

Kahit hindi mukhang Pilipino itong Dazzling Doll from Germany, nakakakanta pala ito ng Tagalog songs. Napakita kagabi ang pagkanta ni Valerie ng Bakit Pa ni Jessa Zaragosa. Binigyan kasi ng task itong si Priscilla na magpaturong kumanta kay Valerie. Napagalaman kasi ni Big Bro na kumakanta pala itong si Valerie ng Tagalog. Sa bagay titignan mo nga itong si Valerie, blonde and all, at kumakanta ng Tagalog, kakaiba diba. Pagkatapos magpaturo ay nag-present na itong sina Valerie at Priscilla ng kanilang song number. I guess exercise ito para kay Priscilla on communicating. Naging matagumpay naman sila. Isa pang task na pinagawa kay Prisicilla para sa kanyang communication skills ay magturo ng lip reading. Pinili ni Big Brother si Beauty para turuan ni Priscilla. Mukhang natututo naman itong si Beauty. Sa episode kagabi parang I realized na ok din naman pala itong si Beauty. Akala ko kasi parang masyadong bossy. I guess leader type kasi siya pero last night parang ok naman siya lalao na nung medyo worried siya dahil akala niya siya yung nag-violate. She may come of strong pero when she’s wrong she humbles herself which I think is very good. Kayo what do you think about these three housemates: Beauty, Prscilla, and Valerie? Ok ba sila so far?

Koko sa paa. Ano daw?

Koko sa paa. Haha. Nakakatawa talaga itong si Alex. Ayan kasi nagviolate ng hoserule dahil bumulong, napilitan tuloy magmemorize ng 1000 Filipino words. Kawawa naman. First day pa lang ng teen housemates ay meron ng paglabag sa houserules na naganap. Hmm.. Interesting.

Kasama din sa punishment ang isa pang gumawa ng violation na si Josef. Pareho din siya ng violation kay Alex kaya ayun. Ang punishment nila ay isigaw lahat ng kanilang sasabihin. Upang matangal ang punishment, kailangan nilang magmemorize ng Foreign words. Si Alex 1000 Pinoy words at si Josef naman kailangan magmemorize ng 500 Italian words at 500 Spanish words. Pahirapan na talaga ito! Punishment kung punishment. Makaya naman kaya nila ito? Kagabi nga nakaka-300 plus pa lang itong si Alex. Malamang maubos na niya ang lahat ng parte sa katawan ay hindi pa rin siya maka 1000 words. Sa gitna nga ng pagbikas ng 300 plus words na ito ay nagkabistuhan pa tuloy. Napaamin itong si ALex na hindi pa siya tuli. Hindi daw kasi uso ito sa Italy. Nag-violate kasi ng houserules, ayan tuloy nalaman ng buong mundo na supot ka pa. GO Alex. Hehe.

Robi and Josef: Best buddies forever

Maganda konsepto ng task ang pinagawa sa housemates #13 and #14. Isang Lasalista at isang Atenista na pagpapangaping mag best friends. Makaya kaya nila itong gawin ng hindi nahuhuli? Malaki ang nakataya sa task na ito. Buong budget for next week ang maaring mawala kung sakaling kahit isa lamang sa mga housemates ang magduda sa katotohanan na magbestfriends nga itong sila Robi at Josef. Lalaking version nila Paris Hilton at Nicole Ritchie bago sila magaway? O puwede ring Marc and Rovilson of The Amazing Race Asia 2. Mukhang pinangangatawanan naman nila ang kanilang task so far. Kaya lang hindi pa masyadong convincing ang kanilang dance number na Quit Playing games with my heart. Hindi convincing dahil hindi pa ayos ang kanilang dance moves pero convincing na rin dahil kahit na ang baduy ng kantang ito they seem to be proud presenting it. Well, they don’t have a choice but at least they don’t cringe each time the song plays. One more thing, parang masyado nilang sinasabi na best friends sila. Baka mahuli sila kakasabi nun. I mean, don’t say it… just show it! Diba? Good luck na lang sa kanila. Hopefully they make their schools proud.

Ooops, bago ko tapusin ang enty na ito, natatawa pala ako sa pang-aasar nitong si Linda sa dalawa. Sabi ni Linda: Mag bf kayo? Haha… Hmm… So Linda? Tunay bang pang-aasar yan o may type ka lang sa isa sa kanila? Sino? Hehe…

Prisicilla pinayagang makita ang labi ni Kuya

Una ay mag-isa itong si Priscilla sa loob ng confession room. Dahil nahirapan itong kausapin itong si Big Brother dahil wala siyang marinig, pinapasok ni Big Brother itong si Beauty sa confession room. Doon ay sinabi ni Priscilla kay Beauty na sabihin sa kanya kung ano man ang sinasabi nitong si Big Brother. Ang point naman ng usapan nila ay para masabi ni Priscilla kung paano sila makakapag-usap ni Big Brother. Pagkatapos ng paguusap ay pinalabas na itong si Beauty. Nagkaroon naman ng magandang compromise. Pinayagan ni Kuya itong si Priscilla na makapag-usap sila through lip reading. Since Big Brother does not allow others to see any part of him, siyempre kailangan secret lang din ni Priscilla kung ano man ang makikita niya. She couldn’t say to the other housemates what Big Brother’s lips look like. At least nakapag-usap din sila finally.

Nakakabilib nga din itong si Priscilla, mahirap mga lip reading lalo na kung pa-iba iba ang language na gamit. English, Tagalog, Tag-lish, Bisaya at iba pa pero nagagawa naman niyang makipagcommunicate sa kanyang ibang mga housemates. Pero nakakatakot din pala yung lagay ni Priscilla in a way. Kagabi kasi pinakita na kinakausap siya pero since hindi niya marinig ang kausap hindi siya nakakapagrespond. Una ay nung pinapa-pasa sa kanya yung kanin sa kanya. To the rescue naman sa pagpasa ng kanin itong si Jieriel. Sana hindi naman nila naisip na suplada itong si Priscilla or anything. Another instance was when, Jolas was calling for Priscilla. Sabi nga ni Jolas na hindi siya pinansin. Buti na lang nung lumingon na itong si Priscilla, nakipag usap na siya kay Jolas.

I just hope she lasts long enough for us to see how she really is. I think ok naman siya. Sana hindi siya ma-misinterpret ng mga housemates. I hope they understand her and know kung paano ba maki-relate at makipag-usap sa kanya.

Ang unang gabi ng mga teen housemates

First episode kagabi ng PBB Teen Edition Plus. Siyempre bilang isang die hard PBB fan pinilit kong makauwi agad para mapanood ito. Buti na lang hindi traffic kagabi, siguro dahil tapos na rin ang pasukan sa karamihan ng mga estudyante. O baka maagang umuwi ang mga tao para mapanood ang PBB.

Pinakita kagabi ang isa isang pagpasok ng mga housemates sa loob ng bahay. Ang unang pumasok ay si Ejay. Sumunod sa kanya si Kevin. Nagpakilala si Kevin kay Ejay at tinanong ni Kevin where are you from? Nagtanong din si Ejay kay Kevin kung nakakaintindi ito ng Tagalog. Siguro dahil mas komportable itong makipag-usap sa Tagalog kaya niya ito na bring up. Tapos sinabi niya na rin na nakakaintindi siya ng English at tinapos ni Kevin yung sinasabi ni Ejay by saying na he can’t speak it. (Not exactly like that pero ganun.) At least hindi pretending itong si Ejay at hindi trying hard. Buti naman. Sumunod na pumasok si Nicole. Ma-English din itong si Nicole. Siguro kasi akala niya mga English speaking yung dalawang nauna sa kanya. Malakas din kasi maka-peke itong si Ejay, mukha kasing half something. Nung napansin ni Nicole na hindi masyadong nagsasalita itong si Ejay, nagsabi si Kevin na hindi comfortable si Ejay with English kaya ganun. Nakakatawa yung sagot ni Nicole dito na marunong siyang mag-Tagalog. Parang ang taray. Siguro ganun lang talaga siya.

Pumasok na rin yung ibang mga housemates isa isa. Isa sa mga natuwa ako sa pagpasok ay si Jieriel. Parang tuwang-tuwa kasi nung makita yung mga fellow housemates. Talon ng talon parang jumping beans. Kaya nga siguro Bubbly girl from Davao ang tawag sa kanya. Parang nagkaisa ang mga lalaking housemates nung pumasok naman si Valerie ang Dazzling Doll from Germany. From the reaction ng mga male teen housemates nung pagpasok ni Valerie, mukhang siya ang pinakamabenta sa mga girls. Para sa akin kapansin-pansin din naman itong si Linda, ang Bikini babe ng Iriga. Parang may kamukha kasi siyang artista or model. Hindi ko lang ma-pin point exactly kung sino. When I see her I’m reminded of Jocelyn Oxalde of the Kitty Girls. Parang ganun kasi yung dating niya. Agree ba kayo?

Ano pa ba ang pinakita kagabi? Ang kakulitan nitong si Kevin at Alex, ang compromise nitong si Big Brother kay Priscilla, at ang task nitong sina Robi at Josef. Sa ibang entry ko na lang i-eexplain ang mga ito.

Sa mga pinakita kagabi, may paborito na ba kayong housemate?

PBB Teen Edition Plus nagsimula na

Nagsimula na kagabi ang latest edition ng Pinoy Big Brother, ang Pinoy Big Brother Teen edition plus. Naging maganda naman ang opening number. Summer ang theme at parang may beach party sa harap ng Pinoy Big Brother House. Nakigulo sa opening number ang ex-teen housemates na sina Mikey, Gerald at Kim. Represented din ang Celebrity edition 2 dahil nagsayaw din sina Riza at Will. Kasama rin sa production number ang mga taga Pinoy Big Brother 2 na sina Gee-ann at Mickey. Mukhang malaki na naman ang budget na ginastos para sa event na ito with the costumes, set, dancers, and everything. May fireworks din pala pagkatapos ng production number. Simulang simula na talaga ang Pinoy Big Brother Teen Edition Plus.

Alam na naman siguro nating lahat na apat na ang hosts ng Pinoy Big Brother ngayon. Nadagdag si Luis Manzano. Ok naman siyang host, funny at times at composed naman siya. Sinamahan niya ang mga dati ng hosts ng show na sila Toni, Mariel, at Bianca. Plus one new host. Isa ito sa mga dahilan daw kung bakit PBB Teen Edition Plus ang tawag. Kaya lang, I didn’t think they needed another new host. I mean ok na naman yung trio ng tatlong babaeng host. Why fix it when it ain’t broke? O well, tignan na lang natin kung ano ang maidadagdag ni Luis sa PBB.

Pumasok na rin kagabi isa-isa ang mga bagong teen housemates. Summer din ang theme ng kanilang pagpasok. Nakacostume pa nga ang mga bagong teen housemates na sinundo nila Bianca at Mariel na naki-costume din. Tiliin na naman ang mga tao sa paglabas ng mga bagong housemates. I guess, excited na rin silang makita ang mga bagong mukha at mga bagong buhay na kanilang papanoorin araw-araw.

Eto na pala ang listahan ng bagong teen housemtes:
Ejay “Ang Promdi Hottie ng Mindoro”
Kevin “Spanish Stallion ng Madrid”
Nicole “In Chic ng Cebu”
Linda “Bikini Babe ng Iriga”
Nan “Junior Kenkoy from Davao”
Alex “Italian Valentino ng Milan”
Rona “Prisoner’s Daughter from Dumaguete”
Jieriel “Bubbly girl from Davao”
Jolas “Gentle Giant from Bulacan”
Beauty “Rebellious Beauty of Dumaguete”
Valerie “Dazzling Doll of Germany”
Priscilla “Deaf Dreamer ng Davao”

Nang makumpleto na ang 12 new teen housemates, nag-aanounce si Big Brother ng kanyang welcome remarks para sa mga bagong housemates. Ang outline ng speech ni Big Bro any ang Four F’s – fun, friends, family, at find yourself.

Sa labas naman ng bahay ay nag-announce na rin ang mhag hosts kung bakit Teen edition Plus ang tawag. Plus two housemates kasi dahil magdadagdag sila ng isang Atenista at isang Lasalita. Ang dalawang hosuemates na ito ay sina Robi “True Blue Atenean ng QC” at Josef “Lethal Lasalite ng Mandaluyong.”

Fourteen new housemates. Hmm…. Sino kaya ang tatagal? Sino ang bagong panonoorin at sino ang bagong kaiinisan? Abangan na lang natin. Sa next post ko na lang yung comments ko per housemate. Dali! Dali! Comment na!

PBB Teen Edition 2! Malapit na….

Malapit na namang magsimula ang Pinoy Big Brother Teen Edition 2. By end of March, magbubukas muli ang bahay ni Kuya para sa mapipiling 12 teen housemates. Sana maging ok naman, yung celebrity edition 2 kasi feeling ko ok naman. Sana maging maganda naman para panoorin ko ito gabi gabi. Fan naman ako ng PBB pero hindi na kasing die hard di tulad nung una. Dati kasi halos araw araw nanonood ako or at least pag may na-miss akong episode alam ko pa rin yung mga nangyayari. Sana maging exciting naman yung Teen edition 2 para mapilitan akong manood.

May bago pala silang pakulo. Kapag napili kang housemate, kailangan mong gawing secret ito hanggang papasukin ka sa bahay ni Kuya. Mahirap pero puwede. I guess reaction nila ito sa nangyaring leak sa listahan ng housemates na papasok for PBB Celebrity Edition 2. Maitago kaya nila this time ang listahan ng housemates na ito? Abangan…