Josef, muntik nang lumabas ng bahay dahil sa Tita

Pagkatapos magvoluntary exit ni Linda, muntik na ring lumabas ng PBB house si Josef Elizalde dahil sa kanyang Tita Anna na hindi na makayanan ang pamamalagi sa bahay ni Kuya.

Ayon sa Tita ni Josef nagkakaroon na raw sya ng health problems at nahihirapan na sya sa loob ng bahay. Ang catch, malinaw ang intindi nga mga inimbitahang guardians na ang kanilang pagpasok sa bahay ay may mga kaukulang responsibilidad na kasama. Tulad na lang sa mga kaso ng voluntary exits, and sinumang guardian ang gustong umalis ng bahay ay isasama sa paglabas ang kanyang binabantayang housemate.

Awang-awa naman ako kay Josef nang malaman nya na gusto nang lumabas ng kanyang tita at masasama sya sa paglabas kung sakali. Pero dahil wala rin syang choice, maririnig na lang kay Josef na wala na syang magagawa kung health ng tita nya ang paguusapan. Although, pinasuri naman na ni Kuya si Anna sa doctor, at UTI lang naman ang findings (at medyo kulang sa tulog), na kaya namang pagalingin sa loob ng bahay ni Kuya.

Sa totoo lang, medyo nakakainis ang tita ni Josef (medyo lang ba talaga???). She should have known better dahil bago pa lang pumasok sa bahay ni Kuya ay malinaw na ang rule na ito. To think na ang daming pinagdaanang hirap ni Josef sa auditions ng PBB Teen Edition Plus tapos mag-iinarte lang sya sa loob ng bahay. Oooops, pagpaumanhin po Tita Anna, medyo unfair kasi talaga sa pamangkin nyo kung lumabas sya dahil sa inyo. Umabot pa sa punto na nalungkot si Josef at na-compare kung paanong nagresign ang ama ni Jolas sa trabaho para pumasok at suportahan ang anak sa bahay, samantalang hindi naman nagawa ng parents ni Josef na gawin ang sakripisyong ito para sa kanya.

Ngunit, subalit, datapwat, biglang nag-iba ang ihip ng hangin. Ang akala mong ‘firm decision’ ng tita ni Josef na umalis ng bahay, ay bigla namang nagbago nang sabihin ni Kuya na pati ang final four guardians ay may prize money na makukuha sa show. Aba, napatigil si Tita Anna, bigla yatang nakalimutan ang mga health problems nya at sinabing, magi-stay sya para sa pamangkin. In fairness, inamin naman nya na iba na nga ang usapan dahil may pera nang involved. Hay, medyo nakakainis diba?

In the end, happy (na sana) ang lahat. Hindi na lalabas si Josef at ang kanyang Tita. Yung nga lang, nominated naman si Josef sa next eviction night. Hala! Sige, tignan na lang natin kung anong mangyayari.