Teen Edition Plus Revealed: Guardians Inside the PBB House

Noong Sabado ay ni-reveal na ang PLUS sa PBB Teen Edition season 2 ng naturang show. Ang PLUS pala sa Teen Edition Plus ay ang pagpasok ng mga magulang o guardians ng mga napiling teen housemates.

Dahil 14 ang teen housemates, 14 din ang mga guardians na pumasok. Dose sa mga ito ay mga magulang ng teen housemates, ang isa ay kamag-anak at ang isa naman ay tinuturing ng kapamilya. Ang mga pumasok na mga guardians ay sina :
* Boy (Robi’s father)
* Anna (Josef’s aunt)
* Ningning (Linda’s mother)
* Gerry (Jieriel’s stepfather)
* Carina (Beauty’s mother)
* Rose (Rona’s mother)
* Sandy (Nicole’s mother)
* Ike (Jolas’s father)
* My Love (Nan’s mother)
* Erning (Ejay’s father)
* Violy (a friend of Valerie’s mother whom Valerie calls her “second mother”)
* Jinky (Priscilla’s mother)
* Minda (Alex’s mother)
* John (Kevin’s father)

Ano naman ang papel ng Guardians sa loob ng bahay ni Kuya? Makakatulong ang pagpasok ng mga Guardians para mas lalong makilala ng mga tao ang mga teen housemates. Nandoon sila para bantayan ang kanilang mga anak, malamang. Ang mga Guardians ay mananatili lamang pansamantala sa loob ng bahay ni Kuya. Posible sigurong umalis na sila agad doon bago hirangin ang Big Four. Kung sakaling sa kanilang pagtira sa PBB house ay naisip ng kanilang anak na magvoluntary exit o ang kanilang anak ay ma-forced evict, aalis na rin ang Guardian ng Housemate. Kung ang mismong Guardian naman ang nagvoluntary exit o na forced evict, damay ang kanilang anak.

Ano kaya ang mangyayari sa loob ng bahay ni Kuya ngayong andon na mga Guardians? Mag-away din kaya ang mga Guardians kung mag-away ang kanilang mga anak. Sino kaya ang unang Guardian at Teen Housemate na maeevict? Abangan.

Alex, “magpapabinyag” sa bahay ni Kuya?

Nitong nakaraang linggo ay nalaman nga natin na ang isa sa mga PBB Teen Edition Plus housemates ay hindi pa “binyagan”, ang Italian Valentino ng Milan na si Alex Anselmuccio. Dahil sa pagkakalaki ni Alex sa Italy, hindi pa siya nakakapagpa-circumsised dahil hindi daw ito uso sa kanila. Nang malaman ni Kuya ang balitang ito, tinanong niya si Alex kung gusto ba nitong magpatuli. Binigyan niya ng pagkakataon si Alex upang pagisipan ang naturang bagay dahil hindi nga naman madali ang pagpapatuli. Nagkaroon pa ng diskusyon ang mga boys ukol dito para maliwanagan si Alex at para malaman niya kung ano ang pwedeng mangyari sa kanya kapag kanya itong ginawa.

Pagkatapos ng mahabang pag-iisip ay nakapagdesisyon na si Alex na magpatuli. Pinakausap pa si Alex sa isang doktor upang kanyang malaman na walang medical reason ang isang pagpapatuli. Kahit narinig at nalaman niya ang rason na ito ay desidido pa rin si Alex na gawin ito. Sabi niya, parte ito ng kanyang pagiging Pilipino. Noong 18 years old daw ang kanyang mga nakakatandang kapatid na lalaki ay nagpunta sila dito sa Pilipinas upang magpatuli. Ngayong 18 na rin siya, tingin niya ay ito na ang tamang panahon para magpatuli.

Dahil sa pangyayaring ito sa loob ng bahay ni Kuya, magkakaroon ng libreng circumcision sa bahay ni Kuya sa Miyerkules – April 2. Iniimbitahan ang mga lalaking mula 12 -18 years old. Ang mapapaunlakan lamang ay ang mga napiling unang 100. 100 nga ba?

Tuluyan na kayang “mabibinyagan” ang Italian Valentino sa loob ng bahay ni Kuya? History in the making!

Angel Locsin – PBB Celeb2 latest special houseguest

Last night, another special houseguest was welcomed by Kuya and his housemates.

Weeks before this special houseguest entered the PBB house, rumors have been spreading that this chick from the rival network will be gracing PBB. Rumors has it that this girl will stay in the house for only a day. On the week that this celebrity is scheduled to enter the PBB house, another celebrity was trapped inside and was tagged as the newest celebrity houseguest instead of this girl. I still don’t know what happened that the PBB management changed plans.

But then again even if she wasn’t able to enter the house on the week she was planned to go to, her right time has come. Meet Angel Locsin – the latest PBB Celebrity Season 2 special houseguest.

Angel Locsin inside PBB House

*photo from pinoybigbrother.com

Goodbye Baron o Goodbye Donnie?

Noong Linggo nang gabi ay natunghayan natin ang isang “mock nomination” kung saan sila Jon Avila, Riza Santos at ang 2-in-1 housemates na sina Baron at Donnie Geisler ang napili ni Big Brother bilang mga”mock nominees”. Ang mock nomination raw na ito ay susukat sa katatagan ng mga housemates.  At kagabi isang “mock eviction” naman ang naganap.

Akala ko noong una ay si Riza ang kunwaring papalabasin  sa bahay ni Kuya. Pero ang 2-in-1 housemates pala, ang magkapatid na Geisler ang pinalabas ng bahay ni Kuya. Sa kanilang kunwariang paglabas, tanging ang host ng PBB na si Toni lamang ang sumalubong sa magkapatid. Kinausap kaagad ni Big Brother ang magkapatid at sinabing mock eviction lamang ang naganap. Binalita rin ni Kuya na kanya nang inaalis ang pagiging 2-in-1 housemates nila Baron at Donnie at magiging hiwalay na housemates sila. Dahil doon, ibig sabihin na may pag-asa pa silang bumalik sa bahay ni Kuya pero dahil sa hindi na sila 2-in-1 housemates, sinabi ni Big Brother na isa lamang ang maaaring makabalik sa kanyang bahay. Binigyan niya ng 24 oras ang magkapatid upang magdesisyon kung sino ang tuluyang lalabas at mananatili sa loob ng bahay ni Kuya .

Ngayong gabi ay matutunghayan natin kung sino sa dalawa ang tuluyang magpapaalam sa mga housemates. Sa tingin ko, magpapaubaya si Donnie at si Baron ang babalik sa bahay ni Kuya. Isa siguro sa irarason ni Donnie ay marami pang kailangang matutunan si Baron at kailangan niya ring may mapatunayan. Pero kung si Baron nga ang babalik sa bahay ni Kuya, siguro ay sandali lang ang kanyang ilalagi dito. For sure, hindi siya makakasama sa Big Four.

Abangan ang desisyon ng magkapatid mamayang gabi.

Mariel’s Mysterious ‘Friend’ Visit

Dahil sa successful na task na ginawa ni Mariel sa pagtuto ng iba’t-ibang uri ng pag-ibig sa mga housemates, binigyan ni Kuya si Mariel ng isang reward. Nagkaroon si Mariel ng 100 seconds moment sa kanyang special someone aka her mysterious ‘friend’.

Parang batang tuwang-tuwa sa kanyang bagong laruan ang itsura ni Mariel nang masilayan ang kanyang ‘friend’. Ayaw pa ngang umalis ni Mariel nang sabihin ni Kuya na tapos na ang kanyang 100 seconds. Ayon sa aking research, pagkatapos ng ilang minuto pagkalabas ni Mariel sa confession room para sa kanyang 100 seconds ay pinatawag daw siya ulit ni Kuya. Pagkalabas niya daw sa confession room sa pangalawang pagkakataon ay tuwag-tuwa daw ang dalaga. Hindi kaya pinagbigyan ulit ni Kuya si Mariel na makapiling ang kanyang special ‘friend’? Hmmmm.

Hanggang ngayon ay nananatili pa ring misteryo ang ‘friend’ na ito ni Mariel. Katulad nga nang una kong sinabi, minsan nang nabanggit ni Mariel na ang ‘friend’ na ito ay si Zanjoe Marudo. Sa aking panoood kagabi, napansin kong matangkad ang mysterious ‘friend’ na ito ni Mariel. Di hamak naman na matangkad si Zanjoe hindi ba? 😛

The Ethel-Will-Riza Love Triangle

Lately ay nagiging visible ang Will-Riza loveteam. Sa lahat nga naman ng season ng Pinoy Big Brother ay hindi nawawalan ng loveteam at sa season na ito ay mukhang pine-pair-up talaga ng ABS-CBN sina Will at Riza. Ngunit, this time hindi lang simpleng loveteam ang nagaganap. Love triangle ito, with the help of Ethel Booba.

Nang makuha ni Will ang titulo bilang Head of Household ngayong linggo ay pinili niya si Riza para mai-share ang kanyang pribelehiyo bilang HOH. Naglabas ng sama ng loob si Ethel kay Kuya at sinabing na-disappoint siya dahil inakala niyang siya ang pipiliin ni Will dahil in-encourage niya ito sa kanilang HOH challenge. Nabanggit niya rin na gusto niya rin daw kasing magpa-foot-spa.

Lalong naging broken-hearted si Ethel nang makita niya sa storage room na nagdidinner si Will at Riza. Tila inasar siya ni Kuya dahil pinapunta siya doon para ibalik ang mga pinggan na kanilang pinagkainan. Na-shocked si Ethel at talagang hindi naman alam ang gagawin. Nakipaglaro pa ata si Kuya nang i-locked ni Kuya ang pinto ng storage room na nasa loob silang tatlo.

Hindi kaya nadedevelop talaga si Ethel kay Will? Hindi naman siguro dahil mahal na mahal ni Ethel ang kanyang baby Janvier.

Ipagpatuloy pa sana ni Ethel ang kanyang kakulitan kila Will at Riza. Nakakatuwang panoorin ang love triangle na ito ng PBB Celebrity Season 2.

Mariel, handa na nga bang lumabas sa bahay ni Kuya?

Nang pumasok si Mariel Rodriguez bilang unang special celebrity houseguest ay talaga namang hindi handa ang dalaga. Wala siyang kaide-idea na ikukulong na siya doon ni Kuya. Hindi man lang siya nakapagpaalam sa kanyang pamilya at iba pang mga mahal sa buhay. Nagulat at nasorpresa man ang TV host ay natuto ring siyang makisama sa iba pang mga housemates.

Sa kanyang pamamalagi sa loob ng buhay ni Kuya ay nakita ng buong sambayanang Pilipino kung sino talaga ang totoong Mariel Rodriguez – makulit, nakakatuwa ang personalidad, fashionista at masasabi na ring parang ordinaryong Pilipino rin na tulad natin. Maraming tao ang natuwa sa kanya kaya naman ay nakatulong ang dalaga sa pagtaas ng ratings ng naturang show. Ngunit, may mga tao rin namang naiinis sa nasabing special celebrity houseguest. Marami ang naiirita sa kaartehan, pagco-conio at pagkaiyakin ni Mariel. May mga nababasa ako na sinasabi nilang pag-arte lang ang pag-iyak ni Mariel sa iilang insidente sa loob ng bahay. Ang iba ay na-o-OA-an sa kanyang mga reaction. Pero ang pinakamatindi sa lahat ay ang pagsasabi ni Mariel ng ibang mga bagay-bagay na maaring makapagpakasakit sa ibang mga tao.

Sabi nga ng ilan, nauuna pang magsalita si Mariel bago mag-isip. Taklesa nga sabi ng iba. Andyan ang kanyang komento kay Bea Alonzo na sinabi niyang nagpa-lipo, na sinagot naman ng aktres ng “Talagang exercise and South Beach diet ang reason kung bakit ako pumayat. I don’t know where Mariel got the idea na nagpa-lipo ako.” Nariyan rin ang pagsabi ni Mariel na “kadiri ang showbiz” sa isang pag-uusap nila ni Jon Avila na ihiningi naman ng pagpapaumanhin ng kanyang manager na si Boy Abunda.

Naging mainit din si Mariel Rodriguez sa paningin ng mga tao ng kanyang laging nababanggit ang kanyang “friend” sa loob ng bahay ni Kuya. Ito pa ay lalong lumiyab ng tawagan ni Mariel ang kanyang naturang “friend” at humagulgol habang sila ay magkausap. Nang minsang iharap ni Ethel Booba ang tarpaulin na mayroong imahe ni Zanjoe Marudo kay Mariel ay sinabi ni Mariel sa ilang housemates na “meet my friend”. Si Zanjoe nga ba ang tinawagang “friend” ni Mariel? Na-interview si Zanjoe sa Entertainment Live noong nakaraang Sabado ngunit ang kanyang sagot lamang ay “hindi ko aamin at hindi ko idedeny. hayaan nating maging misteryo ang friend na un na ginawa ng show.”

Sa nalalapit na paglabas ni Mariel sa bahay ni Kuya, handa na nga ba talaga ang TV host/actress sa mga issue na sasalubong sa kanya? Aaminin kaya ng dalaga kung sino si “Friend”? Anong depensa ang gagawin nya sa nabitawan niyang “kadiri ang showbiz”? Anong damage control ang gagawin ni Boy Abunda para sa kanyang alaga?

Abangan.